Сектор за издавачка дејност

Предлага обрасци за педагошка евиденција и документација за основното и средното образование, да издава (во печатена и/или во електронска форма) педагошка евиденција и документација, да изработи Издавачки план на Бирото, прирачници и други дидактички материјали што имаат функција за унапредување, осовременување и развој на воспитанието и образованието и да развива дигитални содржини за квалитетна реализација на наставата.

Дејноста на секторот се остварува и преку:

• издавање наставни програми за основното и средното образование;
• дидактичко – методски упатства за наставата;
• прирачници кои се во функција на наставните програми;
• зборници од семинари и советувања;
• анализи за развој на образованието;
• научно-стручно списание за теоријата и за практиката во воспитанието и образованието;
• монографски публикации; практикуми и други стручни дела;
• избирање соодветни дигитални содржини, нивно мапирање, адаптирање, превод и нивно поставување на соодветен
  веб-портал;
• изготвување, групирање, користење на дигиталните содржини во основното и во средното образование;
• евалуација на примената на дигиталните содржини со цел нивно подобрување;
• креирање онлајн курсеви и организирање стручна поддршка на советниците за реализација на онлајн курсевите;
• ажурирање на веб-страницата на БРО со податоци за организација и спроведување на онлајн курсевите како и за
  развиените дигитални содржини;
• вршење јазична редакција, лектура и коректура на стручните и другите материјали кои ги издава Бирото;
• одржување на информацискиот систем, одржување и развивање на компјутерската мрежа.