Сектор за професионален развој на воспитно-образовниот кадар и советодавна стручна работа

Секторот за професионален развој на воспитно-образовниот кадар и советодавна стручна работа има клучна улога во унапредување на квалитетот на образованието.

Неговите надлежности опфаќаат изработка на анализи и утврдување на потребите за професионален развој на наставниците и стручните соработници, организирање тематски дискусии, подготовка на долгорочни и годишни планови за обуки, спроведување на постапките за акредитација за обезбедување на услуги во врска со спроведување на програми за обука на воспитно-образовниот кадар, како и развој на методологија и алатки за советодавни посети и стручни увиди и изработување годишен план за нивна реализација.

Преку овие активности, Секторот обезбедува континуирано зајакнување на компетенциите на воспитно-образовниот кадар и поддршка за училиштата во процесите на евалуација и развој.

Секторот работи на развој, акредитација и следење на програми за обука и поддршка на:
Професионален развој – целта е зајакнување на компетенциите на наставниците и стручните соработници преку континуирани програми за усовршување. Се реализираат обуки насочени кон подобрување на наставните методи, примена на современи стратегии за учење, развивање на дигитални вештини, инклузивна пракса и примена на нови образовни стандарди. Програмите се дизајнирани да одговорат на актуелните потреби на училиштата и општеството, да поттикнат професионален раст и да овозможат поголема ефикасност во наставната работа. Советодавна стручна работа – опфаќа стручен увид во наставниот процес, поддршка за планирање и реализација на наставата, насоки за оценување, развој на училишни планови и проекти, менторска и интервентна помош, како и координација со општините за подобрување на квалитетот на наставата.